Ager dimenge, era Val d’Aran celebrèc era XXIVaua edicion dera Corsa Aran Per Sa Lengua, ua hèsta que reivindique er usatge der aranés coma un des elements diferenciaus dera identitat aranesa.

Damb gessudes des de Les, Baish Aran, Montgarri, Naut Aran, e deth Pòrt de Vielha, en Mijaran, començauen es rotes enquià arribar ara plaça dera Glèisa de Vielha, en tot recórrer es camins e es pòbles dera Val d’Aran.

Dejà en plaça de Vielha, Lengua Viua, organizadora der eveniment, liegèc es parlaments e començèc er liurament des prèmis.

Nadau, eth grop occitan, barrèc era jornada damb es sues cançons, en tot hèr barar e cantar ara gent amassada ena plaça.