Ath long dera setmana deth 20 ath 24 de noveme, era Biblioteca Generau de Vielha a premanit ua programacion d’activitats culturaus entà celebrar eth sòn 17au aniversari, damb era collaboracion der Ajuntament de Vielha e Mijaran.

Pendent eth dimars 20 a compdar des 17:30 ores, Club de Lectura Juvenila damb eth libre «Momo» de Michel Ende e tàs 20:00 ores, Club de Lectura Adults damb eth libre «Del color de la leche» de Nell Leyson.

Eth dimèrcles 21, presentacion deth libre «El mokorero de Okavango» de Jose Luis Muñoz a compdar des 20:00 ores. Londeman, dijaus 22, Teatre debat «Desigualtats» a cargue de Xavi Demelo, tàs 11:45 ores e pera tarde, Session de libres entà créisher damb era Dra. Inma Caubet damb eth libre «La aventura de tu cerebro» dera autora María José Mas, tàs 17:30 ores e tàs 19:00 ores, Representacion teatrau e Musicau a càrgue de Xavi Demelo.

Eth diuendres 23, sera eth dia de Liuraments de Prèmis des concors de Microrelats en Twitter e de Fotografia, acompanhadi pes escòles de musica de Vielha e damb era mèstra de ceremònies Esparanceta de Casa Gassia d’Esterri d’Àneu, tàs 19:00 ores.

E fin finau, eth dissabte 24, Session de Condes des Pirinèus damb Ostau Comengés e era sua acordion, a compdar des 17:30 ores.

Totes es activitats se haràn ena madeisha bibliotèca.