Eth darrèr diuendres pera tarde siguec presentat en Conselh Generau d’Aran eth nau projècte der Observatòri deth Paisatge de Catalonha “Els últims paisatges” sus es ligams entre eth paisatge e es cementèris damb er objectiu de bastir un inventari des cementèris de tota Catalonha en tot configurar un mapa en ua plana web.

Els últims paisatges ei ua iniciatiua dera Associacion Coemeterium, er Observatòri deth Paisatge de Catalonha e compde damb era participacion dera Universitat Pompeu Fabra.

Era presentacion en Conselh Generau d’Aran siguec a cargue de Jèp de Montoya, assessor en Cultura e Auviatge deth Conselh Generau d’Aran e Pere Sala i Martí, director der Observatòri deth Paisatge de Catalonha, acompanhadi per Esther Celma dera Associacion Coementerium, Toni Luna, dera Universitat Pompeu Fabra, e Anna Jiménez, der Observatòri deth Paisatge.

Ena Val d’Aran s’an enregistrat 35 cementèris que se n’an estudiat totes es caracteristiques. Es cementèris aranesi presenten caracteristiques de superfícia irregulara, lèu toti se trapen ath costat des glèises e abituauments es sepultures son en tèrra.

Es recintes funeràris en Catalonha e tanben ena Val d’Aran an tostemp agut ua relacion fòrça estreta damb eth paisatge e an devengut lòcs de naut valor patrimoniau.

Cementèri de Gausac,

Tota era informacion des últims paisatges a http://arxiu.catpaisatge.net/galeria/els-ultims-paisatges/.

Info: Conselh Generau d’Aran

Fotos cementèris: Observatori del Paisatge de Catalunya