En marc d’aguest eveniment, qu’aurà lòc eth pròplèu 19 d’abriu, tàs 20:30h en Hotel Montarto de Baqueira s’entregaràn es prumèrs reconeishements Esséncia des Pirenèus.

 

 

Era prumèra Nèt deth Torisme dera Val d’Aran ei organizada peth Conselh Generau d’Aran amassa damb Foment Torisme Val d’Aran (FTVA). Er acte serà presidit peth sindic d’Aran, Sr. Carlos Barrera Sánchez.

En aguest acte, se presentarà  era memòria d’activitat de Foment Torisme Val d’Aran deth 2016, per part dera Conselhèra de Torisme e Desvolopament Economic d’Aran, Sra. Anna Díaz,  qu’expausarà es principals accions desvolopades, principals reptes e accions marcades entad’aguest an 2017.

 

 

Er acte finalizarà tamb era entrega des reconeishements “Esséncia des Pirenèus” que s’entregaràn ena modalitat de innovacion, sostenibilitat, tecnología, accesibilitat e experiència toristica. Eth jurat tà d’aguesti prèmis serà format peth Conselh Tecnic de Foment Torisme Val d’Aran.

Ara seguida dera entrega des reconeishements se poirà gaudir d’un sopar en restaurant der Hotel Montarto, de Baqueira

Aguest eveniment pretèn èster eth punt de partida deth sector toristic  dera Val d’Aran.

Entà assistir ath sopar se cau inscríuer a trauèrs deth link http://www.visitvaldaran.com/net-deth-torisme-val-daran/   e  realizar eth pagament deth madeish ath nº de compde: ES03 2100 0980 7702 00013645.

Data límit d’inscripcion e  pagament deth madeish, 12 d’abriu.