Bossòst celebre aguest dimèrcles, 13 de junh era Hèsta de Sant Antòni damb diuerses activitats, e eth diuendres “Benèster e coneishiment der entorn” e dissabte “Dia de musica”.

A compdar des 10.00 ores passavila en pòble e gessuda enquiara capèla de Sant Antòni en Portilhon entà celebrar era missa en aunor a Sant Antòni e dempús musica, còca e muscà.

Tàs 22.30 ores inauguracion der enlumenatge dera còva e eth castèth dera Soala de Casteràs.

Eth diuendres 15 de junh començarà era prumèra activitat mediativa e vivenciau deth patrimòni de Bossòst,  ua activitat includida laguens deth projècte LEADER entara creacion d’un espaci ecoterapeutic e espirituau en pòble. Tàs 16.00 ores dauant dera Glèisa dera Purificacion.

Eth dissabte ei eth dia dera musica entà toti, damb eth còncert dera Corau Margalida, tàs 20.30 ores ena Glèisa dera Purificacion e tàs 22.00 ores, ena sala de Plens der Ajuntament, projeccion dera Opèra Manon Lescaut de Puccini damb entrada gratuïta.

Foto: Ajuntament de Bossòst