Eth passat dimenge 5 d’agost auec lòc era prumèra edicion dera Corsa Populara de BTT Lairissa Bike, damb gessuda e arribada en Vilamòs (Lairissa).

Pròp de miei centeat de ciclistes gesseren eth dimenge peth maitin tà ua rota que les amièc enquia Arres de Jos, Arres de Sus, horcalh deth camin de Bossòst cap a Margalida, Bassa d’Arres.

A compdar dera Bassa d’Arres es ciclistes poderen contunhar peth circuit long que les portèc per Uishèra  enquia era meta e peth circuit curt  que les amièc enquia Vilamòs passant un aute viatge per Arres de Sus.

Es tres prumèrs classificadi deth circuit curt sigueren, German Sagastume de Vilamòs, Jaime Gil de Garòs  e Isaac Castet d’Arres de Sus.

En eth circuit long es tres prumèrs classificadi; Eduardo Puente de Vielha, Joan Amadeu Gili d’Artesa de Segre e Xoan Falcó d’Arties.

Ena categoría des hemnes eth prumèr lòc en pòdium siguec entà Lucía González de Betren, eth dusau lòc entà Daniela Buitrago de Vielha e eth tresau entà Mercé Badia de Torrefarrera.

Era pròva esportiua siguec organizada pera Associacion Es Paums e compdèc damb eth supòrt der Ajuntament de Vilamòs e deth Conselh Generau d’Aran.

Hònt: Associacion Es Paums

Esta noticia está disponible en: aranAranés