Cargando Eventos

« All Eventos

  • Este evento ha pasado.

Exposicion en Arties

16 marzo, 2018 @ 5:00 pm - 5 mayo, 2018 @ 8:00 pm

Era mòda des sègles XVIII, XIX e prumeries deth XX arribe en nòste territòri dera man deth Hilat de Musèus des Tèrres de Lhèida e Aran. Se tracte d’ua exposicion itineranta qu’intègre ua seishantia de pèces d’indumentària de tota era província de Lhèida. Eth vestuari dera poblacion mos mòstre eth cambi sociau e economic que se viuec en Euròpa en aqueres epòques. Se poderà veir des de ròba quotidiana enquia vestits de mudar o de cerimònia e tanben complements coma sabates, chapèus, ombrèles, bosses de man, etc.

Aguesti an arribat enquiàs nòsti dies gràcies as familhes que les an sauvat coma bens preciosi, qu’an passat de generacion en generacion e que finaument an dat entara sua conservacion e difusion as musèus territoriaus.

Era mòstra se complemente damb indumentària, fotografies e retrats de colleccions particulares dera Val d’Aran. Destaque un ric vestit de batieg de darreries deth sègle XIX e començaments deth XX de tres pèces (vestit, capa e còha) deth hons deth Musèu dera Val d’Aran. Dat eth sòn mau estat de conservacion, acabe d’èster restaurat e s’a recuperat eth sòn aspècte originau.

Aguesta exposicion a passat pes musèus de Cervera, Tàrrega, Lleida, Museu de la Noguera, Ecomuseu de les Valls d’Àneu e Solsona. Era Val d’Aran represente era darrèra itinerància e destin finau d’aguesta mòstra.

Era exposicion se poderà visitar enquiath 5 de mai de 2018, de deluns a dissabte de 17-20 ores. Era entrada ei gratuïta.

 

Detalles

Comienza:
16 marzo, 2018 @ 5:00 pm
Finaliza:
5 mayo, 2018 @ 8:00 pm

Escribir comentario

Time limit is exhausted. Please reload CAPTCHA.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Por favor espera...

¡Suscríbete a nuestra Newsletter!

¡Recibe toda la actualidad de la Val d\'Aran en tu smartphone cada semana!
×Cerrar