Era equipa aranesa, Aran Nòrdic Esquí Club, tresau melhor club 2015 dera Copa Catalana de hons.
Eth liurament de prèmis se celebrèc eth dissabte 18 d’abriu ena estacion d’esquí d’Aransa.
Celebrades eth conjunt de pròves qu’an conformat eth circuit de hons dera Copa Catalana 2015, es esportistes que s’an proclamat campions enes diferentes categories an estat Gral Sellés e Carola Vila ena u16; er aranés, Pol Vidal, e Pepa Garcia ena u18; Julen Armendaritz e era aranesa, Marta Céster, ena u20; Berta Morral e Sadurní Betriu en Sènior; Jaume Forcada e Marta Folch en Mastèr 1 e Alberto Morales e Maria Cruz Palacín en Mastèr 2.
Segons eth tecnic catalan responsable deth programa de tecnificacion esportiua d’esquí de hons ena FCEH, Edu Pubill, “eth balanç d’aguesta sason de Copa Catalana e Copa Nins ei fòrça positiva. I a agut bona participacion e de bon nivèu, coma ac demòstren es resultats enes pròves de nivèu nacionau e internacionau. Es clubs hèn un prètzhèt fòrça bon, e auem ua basa d’esportistes fòrça solida”.
Er Aran Nòrdic Esquí Club tresau melhor club 2015
En çò que tanh ath classament per clubs, eth club catalan cap d’aguesta 10au edicion dera Copa Catalana a estat eth Club d’Esquí de Hons Urgellet Cerdanha (CEFUC), seguit ena dusau posicion deth Club d’Esquí Puigcerdà (PEC) e eth tresau lòc era equipa dera Val d’Aran, Aran Nòrdic Esquí Club.