Er IEA en FLAREP 2016.

Eth presidente der IEA- Acadèmia aranesa dera lengua occitana, Jusèp Loís Sans Socasau, pronuncièc eth passat dimenge, 23 d’octobre, era conferéncia “l’integracion des populacions immigradas dins lo sistema escolar en occitan aranés”, en encastre de “Pour une Citoyennetéuverte”, laguens deth collòqui FLAREP 2016 (Fédération pour les langues regionales dans l’enseignement públic), que s’a amiat a tèrme en Montpellier, entre eth 22 e eth 24 d’octobre, jos eth titol de “Identitat e alteritat: es lengües regionaus en ensenhament public”.

 

Presentacion der IEA- Acadèmia aranesa dera lengua occitana ena Universitat de Barcelona.

Deman, dimars 25 d’octobre, entàs 12.00 h, aurà lòc era presentacion der IEA- Acadèmia aranesa dera lengua occitana e des sues prumères publicaciones ena Universitat de Barcelona. Er acte organizat peth Comissionat entath Multilingüisme e eth Departament de Filologia Catalana i Lingüística dera UB, anarà a cargue deth president dera Academia Jusèp Loís Sans Socasau, que presentarà tanben es prumères òbres editades pera Acadèmia aranesa dera lengua occitana, coma son: Era “Gramatica basica der occitan aranés” e “Per escriure l’occitan, normativa ortografica der occitan estandard”.

Er acte de presentacion aurà lòc ena Aula Capella der edifici istoric dera UB.

Posteriorament, eth madeish dimars 25 d’octobre, entàs 19 h, en Colegio Oficial de Doctores y Licenciados de Catalunya (Rbla de Catalunya, 8), organizat peth Comité de Hermanamiento Occitano-Catalán, aurà lòc eth collòqui “Er occitan en Catalonha: Analisi des dètz ans d’oficialitat e perspectives de futur”, a on serà presentat un documento de balanç e objectius de futur der occitan ena naua Republica de Catalunya e Aran.

Ara seguida, se realizarà eth collòqui en qué participaràn eth presidente dera ANC, Sr. Jordi Sánchez; eth president der IEA, Sr. Jusèp Loís Sans Socasau; eth president de Plataforma per la Llengua, Sr. Òscar Escuder e Sr. Marçal Girbau deth CAOC. Eth collòqui serà moderat peth director de Vilaweb, Vicent Partal.

 

Presentacion der IEA- Acadèmia aranesa dera lengua occitana ena Euskaltzaindia- Real Acadèmia dera lengua vasca.

Eth propèr diuèndres, 28 d’octobre, aurà lòc era presentacion der IEA- Acadèmia aranesa dera lengua occitana, a cargue deth sòn president Jusèp Loís Sans Socasau, ena Euskaltzaindia- Real Acadèmia dera lengua vasca, en un acte que se desvoloparà integrament en euskera. Pendent era presentación e, coma dejà ei abituau, tanben se daràn a conèisher es prumères publicacions dera Acadèmia.