Eth Conselh Generau d’Aran e era societat mercantila Gureak Aran SL an renauit eth convèni entara mantenença deth Centre Especiau de Trabalh ena Val d’Aran.

Mejançant eth renauiment d’aguest convèni eth Conselh Generau d’Aran apòrte 47.000€ ena anualitat 2018. Gureak Aran SL, dedicada a la bugadariá e tinturariá, ei un Centre Especiau de Trabalh dera Val d’Aran qu’a coma objectiu integrar en mon deth trabalh as persones damb bèra discapacitat, en tot atier ath collectiu de persones damb discapacitat fisica.

Entre es condicions deth convèni i a era mantenença des lòcs de trabalh de persones damb discapacitat e eth compromís de naues contractacions pendent era vigéncia deth contracte e es sues prorrògues, en tot considerar que cau mantier ua mejana de 80% deth personau damb discapacitat pendent cada exercici.

Es Centres Especiaus de Trabalh son enterpreses qu’an era mission d’aufrir lòcs de trabalh de qualitat a persones damb discapacitat iguala o superior ath 33% e que non pòden integrar-se ara enterpresa ordinària. Aguestes enterpreses actuen coma quinsevolh organizacion en encastre dera economia sociau, e an d’arténher un doble objectiu sociau e economic. Es CET an d’arténher crear lòcs de trabalh adaptat as besonhs des persones damb discapacitat e ath madeish temps cercar era rendabilitat economica que les hèsque a èster enterpreses sostenibles.

Info: Conselh Generau d’Aran