Er Ajuntament de Bossòst prepause autorizar era cession des sòns espacis publics a ua entitat privada entà pr’amor de realizar era Escòla d’Ostiu 2017, adreçada as mainatges e mainades de 3 a 12 ans.

Pòden presentar sollicitud es persones físiques e jurídiques legaument constituïdes qu’auràn d’ajustar-se ath Decret 267/2016, de 5 de junhsèga, des activitats d’educacion en léser, enes quaus i participen menors de 18 ans.

Es demanes s’auràn de presentar en Registre d’Entrades der Ajuntament de Bossòst per miei d’ua sollicitud generica enquià eth dia 30 de mai.

Es activitats realizades seràn dera sua exclusiva responsabilitat, inclosida era civil, sense cap relacion entre era entitat e er Ajuntament.

Era empresa realizarà es inscripcions des participants deth casau d’ostiu, e se quedarà era totalitat dera recaptacion des inscripcions.

Coma critèri de valoracion des ofèrtes s’atierà ath programa d’activitats, damb especiau indicéncia ena interaccion damb er entorn naturau, e era relacion qualitat-prètz des activitats presentades.

Hònt: Ajuntament de Bossòst