Per dusau an consecutiu eth Conselh Generau d’Aran, a trauès deth Servici de Gestion de Residus dera Val d’Aran e era enterpresa concesionaria deth servici Romero Polo, apòsten pera recuelhuda dera fraccion organica des grani productors en tot méter en foncionament era recuelhuda pòrta a pòrta d’aguesta lordèra de manèra separada.

 

Enguan era campanha compde damb era implicacion deth Grèmi d’Ostalaria dera Val d’Aran e ua responsa fòrça activa des sòns sòcis. Aguesta ei ua mòstra mès des desirs des empresaris aranesi entà anar tostemp un pas per deuant e non deishar de comprometer-se damb eth país coma destinacion toristica diferenciada e de referéncia. Aguestes accions singulares de sensibilizacion mieiambientau permeten ena Val d’Aran auançar cap a un nau modèl de desvolopament toristic basat enes principis dera sostenibilitat, era diuersitat culturau e era responsabilitat sociau.

Eth servici se metec en foncionament eth darrèr dia 26 de deseme e contunharà enquia finalizar era sason d’iuèrn.

Era campanha se dirigís as grani productors (Otèls e Restaurants) de fraccion organica des zònes de Naut Aran e de Vielha e Mijaran.

Eth servici se preste cinc dies ara setmana, de deluns a diuendres.

 

Es accions que s’amien a tèrme pendent era campanha an estat possibles grácies ara estreta collaboracion entre eth Grèmi d’Ostalaria dera Val d’Aran, era Agéncia de Residus de Catalonha deth Departament de Territori i Sostenibilitat dera Generalitat de Catalonha e eth Conselh Generau d’Aran.

Per d’auta part cap destacar era implicacion de totes es persones que collabòren e hèn er esfòrç de trèir endauant aguesta iniciatiua.

Entà mès informacion o dobtes pòden dirigir-se a: residus@aran.org

Info: Conselh Generau d’Aran