Es jogadores dera prumèra equipa deth RCD Espanyol, atau coma ac heren hè uns dies en darrèr es sòns companhs der Espanyol B, realizen aguesta setmana eth stage de pretemporada ena Val d’Aran.

Era plantilha dera equipa femenina der Espanyol utilize entàs sòns entrenaments es installacions deth camp de fotbòl de Garòs en Naut Aran en sessions de maitin e tarde.

Es jogadores e eth còs tecnic dera equipa sigueren arrecebudes en Conselh Generau d’Aran pera conselhèra de Torisme e Desvolopament Economic d’Aran, Anna Díaz, qu’arregraïc eth hèt qu’ua equipa de fotbòl femenin coma er Espanyol apòste per amiar a tèrme era sua preparacion d’estiu ena Val d’Aran, en tot assolidar Aran coma destinacion esportiua d’estiu d’equipes de prumèr nivèu.

En stage de pretemporada dera equipa ena Val d’Aran non an pogut participar Elena Julve, Maria Llompart e Anna Torrodà, que s’an proclamat campiones d’Euròpa Sub-19 damb era seleccion espanhòla dempús de véncer a Alemanha ena finau jogada en Soïssa per 0 a 1. Era jogadora deth RCD Espanyol María Llompart siguec era autora deth gòl dera victòria.

Info: Conselh Generau d’Aran

Esta noticia está disponible en: esEspañol