En 2014, Antonio Moyes Valls depausèc en Archiu Generau d’Aran ua colleccion de 26 vistes estereoscopiques de pòbles dera Val d’Aran (Canejan, Bossòst, Betren,Tredòs e Salardú) e de zònes de montanha deth Pirenèu (Espitau de Vielha, Pòrt dera Picada, Molières, Aneto e Colomèrs) datades entre 1911 e 1920.

Se tracte de negatius fotografics, confeccionadi sus plaques de veire emulsionades mejançant gelatinobromur de plata, que se trapauen laguens de tres caishes originaus dera casa Lumière&Jougla.

Es plaques des dues prumères caishes presentauen lordèra superficiau e deteriorament deth miralh de plata. Ena tresau caisha presentauen problèmes mès importants a causa deth contacte damb era aigua qu’auie enganchat era envelòpa de papèr en veire e auie alterat era emulsion.

Es trabalhs de restauracion s’an realizat en talhèr Estudi B2 de Barcelona. Era intervencion dirècta a consistit ena limpiesa deth supòrt e dera emulsion, despegament dera envelòpa e tractament des hongs. A causa dera fragilitat des emulsions, totes es plaques de veire s’an protegit de forma individuau damb papèr de conservacion. Eth conjunt se conservarà en ua unica caisha en tot sostíer eth sòn orde originau.

Info: Conselh Generau d’Aran

Esta noticia está disponible en: esEspañol