Eth pròplèu dimars 14 d’agost, damb motiu des Hèstes Majors de Bausen, se realizarà era IIIau Nocturna a Carlac organizada per Baishmonix Girls.

Laguens deth programa d’activitats dera Hèsta major de Bausen 2018 destaque era excursion nocturna, non competitiva, peth Bòsc de Carlac, damb gessuda e arribada des dera plaça de Bausen, organizada peth grop de Baishmonix Girls, acompanhadi pera lum dera lua e era tranquillitat e silenci deth lòc.

Es interessadi an d’inscriuer-se ath telefòn 626.701.585, Eva Sacau, e arreceberàn ua braçalet luminós abans de gésser e un mòs de botifarra ara brasa e ua beguda ath finalizar era excursion. Tot per solet 5€ per persona e damb un ambient festiu.

Era organizacion informe as participaires qu’an d’amiar ua linterna, preferiblement de frontal, cantimplora e ròba d’abric per se se hè ua parada. Era gessuda darà inici as 21:00 ores des dera plaça de Bausen.

Esta noticia está disponible en: esEspañol