Enquiath pròplèu 31 d’agost, eth Burèu d’Informacion e Torisme de Bossòst, acuelh ua exposicion d’aqüarèles deth vesin dera poblacion, Fernando Alonso.

Pendent tot eth mes d’agost, uns vint quadres deth coneishut e planvolut pintor locau Fernando Alonso,  seràn exposadi ena Sala d’Informacion e Torisme de Bossòst, plaçada ena Passeg Eduard Aunòs, 14 en orari d’atencion ath public e damb entrada gratuïta.

Dempús der èxit dera exposicion que ja realizèc est an passat en Otèl de la Vall de Vielha, e es ja amiades a tèrme anterioraments en ciutats coma San Sebastián, Madrid e quauques poblacions de França, ara ei eth torn dera sua localitat de residéncia, Bossòst, a on s’exposaràn entara venta aprupètz de vint pentures en aqüarèles damb motius dera Val d’Aran, qu’Alonso a realizat pendent es darrèri ans.

Er orari deth burèu ei de deluns a dimenge de 10:00 a 13:00 ores peth maitin e de 15:00 a 18:00 ores ena franja de tarde.

Aguesta exposicion compde damb era collaboracion der Ajuntament de Bossòst qu’a cedit er espaci entà que eth pintor locau pogue mostrar es sues òbres d’art ath rèste de vesins e toristes que s’apròpen enquia Bossòst e ampliar era aufèrta d’òci e cultura pendent era sason estival.

 

Esta noticia está disponible en: esEspañol