Des der 1 d’agost ei publicat ena web der Ajuntament de Les er anonci entara reforma dera plaça der ajuntament qu’ei prevista realizar-se en brèu.

Er objectiu principau d’aguest contracte ei eth d’amiar a tèrme es obres e accions includides en projècte d'”Accions de reforma dera plaça der Ajuntament de Les”.

Es trabalhs que contemple eth projècte an coma objectiu dotar era Plaça der Ajuntament de Les de un nau Paviment que s’ajuste as besonhs des usatgèrs eth quau aurà es madeishes caracteristiques dera naua Passarèla peatonal sus er arriu Garona .

Egalaments se projècte era eliminacion de gran part dera vegetacion, atau coma des fanaus existents, era Estatua der isard, era piscina e era hònt.

Eth projècte tanben includís era substitucion e reordenacion deth mobiliari urban, e era collocacion d’ua parabanda de seguretat en limit dera plaça damb er arriu Garona e fin finau se projècte era creacion d’ua rampa damb lòsa granitica que dongue accessibilitat entas persones de mobilitat redusida en Consistòri municipau.

Eth Pressupòst d’ejecucion per contracte, includit er I.V.A., ei de 76.219,51 èuros e era durada serà coma maxim de tres mesi, a compdar der inici d’aguestes.

Es òbres definides son orientades entà adaptar ua infrastructura de prestacions de Servici, damb era fin de poder garantir era melhora e reabilitacion deth Paviment dera Plaça der Ajuntament, en tot executar a un nivèu unic e atau melhorar era mobilitat der espaci.

Esta noticia está disponible en: esEspañol