Era Corau Margalida de Bossòst actuarà es proplèus dies 7, 8 e 9 de seteme en Es Bòrdes e Vielha laguens des sòns Concèrts d’Estiu 2017, que compden damb era collaboracion deth Conselh Generau d’Aran e der Ajuntament de Bossòst.

Eth dijaus 7 de seteme, ena Glèissa de Santa María de Es Bòrdes entàs 18.30 ores, e en Vielha, eth diuendres 8 ena Residéncia Sant Antòni, entàs 17.00 ores e dissabte 9 ena Glèisa de Sant Miquèu entàs 20.15 ores.

Aguestes tres actuacios se sumen as amiades a tèrme en Bossòst eth passat dia 12 d’agost e en Canejan eth 29 deth madeish mes.